حرية المرأه

 

عندما تثار امامي في الاونه الاخيرة اتنشرت الدعوات بين معارض ومؤيد للتحرش, و علت الاصوات بكلمات مكررة عن ملابس المرأة عن كونها السبب لاثارة غرائز الرجال و كما قال داعية في فيديو لهُ " ا لو المراة كانت تمتلك شنطة صفراء و تلبس النقاب ولا يظهر منها شئ لكنها تمتلك شنطة صفراء تفتن الشباب"

هذا الداعية لمتلك قاعدة جماهيرة كبيرة, نشئت بين المناطق الفقيرة حيث لا تعلم او اطلاع او ثقافه ما يسمعونه يعشون عليه, لذا تكون ما امسيه " لوم الضحيه " لاننا حين نوصم الضحيه نتحرر من اشياء كثيره منها, لو اننا اعترفنا بان هناك جاني لابد ان يحاسب سيكون علينا ان نعيد طرحه افكارنا للنظر في صحتها من البداية, هل ما تربينا عليه خطا!

, لنعود مرة اخري الي لوم الضحية بدون اي حديث مع الجاني. مع من يومين حوار بينى و بين شخص علي فكرة الحريه بسبب ملابس بنت في رايه انها خليعه و الهدف منها فتنة الشباب

انا راي ان دى حريه و ان البنت من حقها تلبس زى ما هي عاوزه و ان دى و جهات نظر و مش من حقك ان تصادر عليها شي زى لابسها و ان زى ما من حقك تلبس و تمشي بحريه ده حقها

للاسف قام قالي ان مصر دوله اسلاميه و ان المجتمع شرقي و هي لازم تلتزم بكده المشكله ان الرد ده كان سازج لدرجه مفهاش غير النظره المحدوده نفس النظره الوهبيه اللى قالت فى يوم ان البنت تلبس نقاب بعين واحده علشان لو عنيها حلوه ماتفتنش الراجل و كان المراه لم تخلف فقط غير للغوايه

حاولت افهم منه يعني ايه مصر اسلاميه و فيها كميه التحرش و السرقه و الفساد و انه كان واقف بيبص علي البنت و اننا بنحاول نبرر الغلط لانفسنا و اننا بنقبع البنات علشان دى نظرة دونيه و ان ليه مصر سمحة بنزول الهدوم دى و بعها و سكوت الازهر علي ارتداء الهدوم دى ؟

و كان نفسى افهموا ان احنا مش درنا المنع احنا درنا نناقش و نشوف وجهة نظر البنات عموما فى الابس و لازم نحاورهم لان المنع مش حل بالعكس المنع بيدى احساس بالاحتياج للشى المفتقد و ده هيخلى البنات تعاند اكتر فى فكرة اللابس
لاقيته قبل ما اكمل باقي كلامى قد يقلي ان الغرب هو اللي عاوزنا نقول كده و مصر اسلاميه

حاولت افهم و  لو انا مثلا فى اوروبا و البنت هناك لابسه مش محتشم هل معنى  كده انى مغضش بصرى

احاولت اوصلوا ان لو احنا مفهمناش  ان الدين اساسه الحريه و ان الرسول صلى بعث للحريه من العبوديه و تحقير المراه و عبوديه الاصنام هنكون بنرجع لملاين من السنوات لى وراء و ان الاسلام ادى حريه كبيره جدا للنساء عما كان سائد فى عصر الرسول (ص) وان اننا المفروض نفهم ان الاسلام عظم من المراه و ان شخصيه سيدى سيد دى شخصيه تتعارض مع الدين الاسلامى و ان الاسلام كرم المراه و حرم قلتها بالوئد و ان ربنا لما امرنا اننا انكون قومين على النساء كان المقصود قوامين على خدمتهم و اننا لازم كمان ناخد الرسول كا قدوه ومثال على التعامل مع النساء

و اننا المفروض اننا بنبص للبنت على اساس انها و شريكه فى المجتمع و الحياه لان ببساطه البنت نص الحياه فى ابسط حقوقها اختيار لابسها اه يكون محتشم طيب لو هى مش متدينه او ملحده مثلا هل نقتلها لانها مش بتطبق تعلمنا لا بنتعايش معاهم و بنعمل زى ما امرنا الاسلام غض البصر الحريه مش فى السياسه الحريه الحقيقى هو تقبل الغير

قام واحد صحبي لخص الدنيا و قاله انها حريه انها تمشي زى ما هي عاوزه و ان الاسلام امرك بغض البصر قام صحبي سكت

ساعتها حسيت انى غبي انا عمال افهموا ان دى حريه و انها حق مؤكد و اقنع فيه في ساعه و قام صحبي في دقيقه سكته

#المرأة

#المجتمع_المصري

#كريم_فوزى

#حرية_المرأة