خطوات كسر الروتين و انهاء لوب فيلم الف مبروك

 

"يا اللي بتسأل عن الحياة، خدها كده زي ما هي.

فيها ابتسامة، وفيها آه، فيها قسوة وفيها حنية."

عزيزي القارئ، أنا مش قصدي أقول حاجة عيب لما بقولك "خدها"... اللوم كله على الفنان منير.
المقصود إن الحياة مش شيء ثابت، لكنها حياة مركّبة، حياة مختلفة عند كل واحد فينا. فيها فرح، حزن، سعادة وقسوة.

الحياة رحلة غريبة، تبدأ من "حزقة" الوجود اللي بتوريك إن العالم مكان مليان "حزقات" غير مبرّرة، لكنها دايمًا بتولد حاجة جديدة. مش مهم حلوة ولا وحشة... المهم "الحزقة" نفسها والتواجد.

هل تعلم إنك لما تاخد الحياة زي ما هي لازم برضه تكون مجدِّد فيها؟
تخيل تصحى من النوم وتلاقي امبارح بيتعاد تاني! حياة مملة جدًا لو ده حصل، او مرعبه، تخيل تعيش نفس الخناقة و القفش و الهزار كل يوم نفس الشكل و الطريقة !!

إنت أساسًا عايش عيشة مملة... كأنها loop غريب، ندخل فيه جوه فيلم ألف مبروك.

تخيل يا عزيزي، إنك تعيش جوه فيلم لأحمد حلمي وتدخل جوه أجواء الأفراح المصرية كل يوم!
شئ صعب جدًا، مش هيستحمله عقل بشري.

طيب... إيه الحل يا عزيزي القارئ؟ الحل إنك تكون مجدِّد. كل يوم تصحى وتحط أمل وفكرة جديدة في دماغك.
مش هتغير العالم طبعًا، إنت أصلاً مش عارف تغيّر الموبايل ولا أي حاجة، بس هتبدّل حياتك شوية. بدل ما كل يوم نفس الروتين، لا... هنكسر الروتين. قول ورايا: "أنا هكسر الروتين."
هاكل حواوشي وكفاية كبدة وسجق.
بس خد بالك... كسر الروتين مش معناه ترفع الكوليسترول يا عزيزي القارئ.
أنا هقولك إيه اللي فيها:

خطوات كسر الروتين وإنهاء الـ loop بتاع فيلم ألف مبروك:

1- محتاج تحط هدف بسيط جدًا في بداية يومك. مثلاً: "أنا همشي كيلو بعد الشغل."
هدف بسيط هيبسطك إنك تحققه، وهيخليك تكمل بإنجازات صغيرة.

2- ركّز مع أهدافك الشخصية.
محمد زميلك في الشغل خطف الموظفة الجديدة... ما تشتتش نفسك.
إنت هدفك السكرتيرة، وبتحاول من شهرين. يبقى ركّز على هدفك وما تتشتتش. عشان لو اتشتت مش هتعرف "تشقط"، وساعتها هتدخل الـ Friend zone، والجو هناك زحمة وسقعة... وأنا مش عايزك تروح.

3- اكتب إنجازاتك اللي بتعملها كل يوم. شوف حققت إيه وما حققتش إيه.
وحاول تزود كل يوم إنجاز عن التاني... لحد ما تشقط صاحبة الشركة يا عزيزي القارئ.